شلح زنبق







عا كتر ما هالزمبق شلوحو علو .. وتمايلو ...


...صار يغلط بعدّن ...

جلنار .. أوعي توقفي حدّن...
بلكي ع سكرو يفكر إنك الو ...









*******










( نغمشة)






قديش هالوردة عم تكتر حكي


وبتضل هيي والكنار بوشوشي..

مبارح غمش عنقا بضفرو الليلكي...
واليوم بقع صدرها من الغرمشي...
ـ شو باك , يعني : شو !!؟
ـ انتي... شو بكي !!؟



ـ حسيت دخلك هيك متلي بنغمشي ؟؟




***
**
*



" بكوخنا يا ابني "




هذه القصيدة قدمها للسيدة فيروز هدية عندما وضعت مولودها الأول العبقري زياد وكتب النقاد عن هذه القصيدة أكثر من مجلد .
بكوخنا يا ابني
كلمات الشاعر : ميشيل طراد
ألحان : الأخوين رحباني






بكوخنا يا ابني بهالكوخ الفقير .. والتلج ما خلاّ ولا عودة حطب





والريح عم يصفر فوق منو صفير .. وتخزّق بهالليل منجيرة قصب





وقفوا ع شباكك يدقّو العصافير بجوانِحُن ... يا جوانحن المتشرنة





جايين يتلطّوا ع كتر الزمهرير
ورفيقك البلبل ... شو مشتقلك كتير





---- مخبيلك بعبّو شي مية سوسنة ----







علوّاه لو فيــــــــــــي يا عينيي لطير





اتفقدك يا رجوتـــــــــــي بعدك زغير





وعمرك وعمر العطر ما كفّوا السنه





وشو الدني - يا ابني وشو طعم الدني





---- ان ما هبجّتْ وجّي بإيدَيْكْ الحرير----







شو الجرس قال حامل بشارة العيد





شو ألف عيد وألف قنينة نبيد





صوتك يتدحرج بقلبي وعم يضيع





نازل عن التلة بهالوادي البعيد





حامل بإيد الصبح وبإيد الربيع







ومن يوم هالغيبة والله يسامحك





عم فرفط بها الفلّ عم قطف ريحان





عم بستعير من السما أجمل لوان





وخرطش ع هالحيطان لون ملامحك





وهالقلب عم حفّو على اجرَيْن السرير





عم مرمغو





بلعبك





بمطارحك





بفراشك





بريحة ريشات جوانحك





بغبرة حوافر حصانك هالزغير





يا ابني





***




**




*










*********




" رح حلفك بالغصن يا عصفور "



كلمات : ميشيل طراد
غناء : وديع الصافي






رح حلفك بالغصن يا عصفور بالورق بالفيّ بالنبعات
بالزيّح جناحك بريشة نور بالمرجحك مع زرقة النسمات



و تطير يا عصفور ع اكوخ من وزّال
غويان سقفو زهور
مفروش بالعنبر
و حبّ الندي الأخضر
دنيي ظلال ظلال



تقشع عريشة و باب بفيّتا مزوي
و حلوي بإيدا كتاب سلم على الحلوي
و إن هديت رياحك بتمرمغ جناحك
ع السطح ع لحيطان ع تياب مدريي
ع البسط ع القمصان
ع كل شي تخزق ع المقعد الأزرق
ع القمر السهران اللي بيذكرا فيي



و إن كان ما في شي من حبنا باقي
بتسكت الساقيي يا طير و بتمشي
و بتغط تحملي يا من هديك التلي
يا من هداك الغال شي ذكر شي قشي
و من خرطشة ديها من تحت إجريها
شي نقتين تراب




******




" عالبال يا عصفورة النهرين "




كلمات : ميشيل طراد
غناء : وديع الصافي






عالبال يا عصفورة النهرين يا ملوني يا مكحلي العينين
صارلي عهالمفرق تلات إيام
و ما كنت إستهدي عابيتك وين يا عصفورة النهرين
صارلي تلات إيام و ماكنت أعرف نام



حفرت خيال الشمس عالمفرق و رف الحساسين اللي إجا تفرق
و ما كنت إستهدي عابيتك وين يا عصفورة النهرين



لا بحارة الفوقا و بحارة التحتا و لا عالعين
تخمين بيتك صار ريف العين يا عصفورة النهرين
****************